Kezekte turýdy da zertteıtin ǵylym bar - CNN

ASTANA. QazAqparat - Kez kelgen adam kúnine birneshe ret kezekte turady. Kezek jyldam qozǵalsa, umytylyp ketedi. Al kezekte uzaq turǵan adam ashýlana bastaıdy. CNN basylymynyń jazýynsha, kezekte turýdy zerttep, adamdardyń kóp kezek kútkenin elemeıtindeı etýge tyrysatyn ǵylym da bar eken.

«Adamdar kezektiń jyldam qozǵalǵanyn baıqap, kezekti qabyldaýdy kútken ýaqytyna esh baılanysty emes. ıAǵnı, kezek kútetin ýaqytty azaıtýǵa bolmasa da, adamnyń ony qabyldaýyn ózgertýge bolady. Kútý - psıhologııalyq kúı. Sol sebepti kezektiń dızaıny, ony ózgertý mańyzdy ról atqarady», - deıdi The Design Lab dırektory Don Norman.

Onyń aıtýynsha, adamdardyń psıhologııasyn túsiný, olardyń ishin pystyratyn dúnıelerdi anyqtaý arqyly kezek kútýdegi qabyldaý deńgeıin ózgertýge bolady.

«Mysaly, lıft kútetin jerde únemi aına bolady. Bul adamdardyń kóńilin birneshe mınýtqa bolsyn aýlaý úshin qoıylady. Aınaǵa qarap, shashyn jóndep turyp adamdar ýaqyttyń qalaı ótkenin, lıfttiń qalaı jetkenin baıqamaı qalady. ıAǵnı, kútý ýaqyty ózgermese de, máseleni adamdar kezekte turǵanyna shaǵymdanbaıtyndaı etip ózgertýge bolady», - depti Massachýsets tehnologııalyq ınstıtýtynyń professory Rıchard Larson.

Onyń aıtýynsha, áýejaıda adamdar ózderiniń júgin alý úshin uzaq kútip qalǵanyna kóp shaǵymdanatyn bolǵan. Sodan keıin áýejaı ákimshiligi júk alatyn oryndy alystaý jerge aýystyrǵan. Nátıjesinde, adamdar júk alatyn jerge uzaq júrýge, ıaǵnı biraz ýaqytyn ketirýge májbúr bolǵan. Alaıda, bir qyzyǵy - osy eki ýaqyttyń birdeı bolǵanyna qaramastan júkti alýǵa kóp ýaqytym ketti dep shaǵymdanýshylar sany biraz azaıǵan eken dep jazady basylym.