Kezekte turǵan almatylyqtar Ýnıversıada aýylynan páterler aldy

ALMATY. QazAqparat - Búgin Almatyda almatylyq 168 otbasy jańa páterlerge qol jetkizdi. Baspana «Nurly jer» baǵdarlamasy aıasynda berildi. Páter kiltterin qala ákimi Baýyrjan Baıbek tabystady, dep habarlaıdy QazAqparat.

Aıta ketý kerek, turǵyn úı kesheni Ýnıversıada kezinde salynǵan Atletter aýylynda ornalasqan. "Nurly jer" baǵdarlamasy boıynsha berilgen pəterler "Qazaqstan  Ipotekalyq kompanııasy" AQ arqyly rəsimdelip, satyp alý quqyǵymen 168 adamǵa jalǵa berildi.

«Elbasy tapsyrmasy boıynsha Ýnıversıada murasy retinde búgin pəterlerdi berip jatyrmyz. Adam úshin baspana məselesiniń mańyzy zor. Úıi bar adamdar bolashaqqa úmitpen qaraıdy. Bul 4-sanattaǵy sapasy jaqsy pəterler. Biraq ınfraqurylymy jaǵynan múmkindikteri tamasha", -dedi Baýyrjan Baıbek.

Əkimdiktiń habarlaýynsha, 2017 jyldyń sońyna deıin 4,5 myń páter paıdalanýǵa beriledi. Osylaısha jyl sońyna deıin kezekte turǵan ár tórtinshi otbasy baspanaly bolady.

2017 jylǵy málimet boıynsha, baspana alýǵa 20 300 adam kezekte tur.

Qala əkimi atalǵan aýmaqta ornalasqan medıtsınalyq ortalyq pen "Nomads" meıramhanasyn da aralap kórdi.

Aıta ketý kerek, Atletter aýyly 2016 jyldyń sońynda salynyp bitken bolatyn. 23 ga aýmaqta 14 turǵyn úı bar. Keshen aımaǵynda HQKO, emhana, sýpermarket, bank, poshta ornalasqan.