Kezekte turǵan 430 jas otbasy bıyl baspanaly bolmaq
ASTANA. 29. qańtar. QazAqparat - 2013 jyly 116,4 myń sharshy metr, ıaǵnı 2063 páterli 7 turǵyn úı kesheni paıdalanýǵa berilmek. Bul týraly astana.kz saıtyna Turǵyn úı qurylysy basqarmasynan habarlady.
2012 jyly turǵyn úılerdiń qurylysy 2005-2007 jáne 2008-2010 jyldarǵa arnalǵan Turǵyn úı qurylysyn damytýdyń memlekettik baǵdarlamasy aıasynda júrgizilip, 10 456 páterli 616,5 myń sharshy metr qurylys aıaqtaldy.
Ótken jyly shilde aıynda «Qoljetimdi turǵyn úı 2020» jańa memlekettik baǵdarlamasy bastaldy. Baǵdarlama aıasynda tamyz aıynda 137,4 myń sharshy metr 8 turǵyn úıdiń qurylysy bastalyp, jeltoqsan aıynda Aınakól - Qordaı kósheleriniń qıylysynda ornalasqan jalpy aýdany 21,0 myń sharshy metr, 420 páterli turǵyn úıdiń qurylysy aıaqtaldy.
Basqarmanyń derekterine sáıkes, bıylǵy jyly 116,4 myń sharshy metr, ıaǵnı, 2063 páterli 7 turǵyn úı kesheni paıdalanýǵa berilmek. Onyń ishinde, Turǵyn úı qurylys jınaq bankiniń jelisi boıynsha barlyq sanattaǵy turǵyndarǵa arnalǵan turǵyn úıdiń aýmaǵy 88,1 myń sharshy metr, ıaǵnı - 1633 páter.
Baspanaǵa kezekte turǵandar men jas otbasylarǵa arnalǵan turǵyn úıdiń aýmaǵy 28,3 myń sharshy metr.
