Kezekshi synyptardaǵy balalardyń densaýlyǵy qalaı tekseriledi

NUR-SULTAN. QazAqparat – QR Densaýlyq saqtaý vıtse-mınıstri Ajar Ǵınııat kezekshi synyptardaǵy balalardyń densaýlyǵy qalaı qadaǵalanatynyn jáne sanıtarlyq normalardyń qalaı saqtalatynyn aıtyp berdi, dep habarlaıdy QazAqparat.

«Balalar da koronavırýspen aýyrady. Olar da eresektermen birge júrip, aýrý juqtyrady. Balalardyń 80% koronavırýsty jeńil formada ótkizedi. Biraq, aýrý keńinen taralsa, 3-4 aptadan keıin balalarda Kavasakı sındromy túrinde asqyný baıqalady. Bul jaǵdaı AQSh-ta, Ulybrıtanııada, Ispanııada, Italııada, aýrý keń taraǵan mekenderde kezdesti», - dedi Ajar Ǵınııat tilshilerge bergen suhbatynda.

Onyń aıtýynsha, mektepterde barlyq sanıtarlyq normalar saqtalady jáne balalardyń jaı-kúıi baqylaýǵa alynady.

«Eger balalardyń qyzýy kóterilip nemese JRVI belgileri baıqalsa, olar mektepten shettetiledi. Biz syrqattaný kórsetkishterin jáne naýqastardyń medıtsınalyq uıymdarǵa túsýin qadaǵalaımyz. Syrqattaný deńgeıi kóterilse, bul bilim uıymdary karantınge jabylady. Al mekteptiń karantınge jabylýyn sanıtar dárigerler sheshedi», - dedi A. Ǵınııat.