Kezekke turýdyń qajeti joq: Almaty HQKO-larynda qandaı jobalar iske qosyldy
Memlekettik qyzmetterdi sapaly jáne jedel kórsetý maqsatynda Almaty HQKO-larynda birqatar pılottyq jobalar iske asyrylýda.
HQKO-ǵa barǵan almatylyqtarǵa birqatar jańa qyzmet qoljetimdi bolady. Atap aıtqanda, vıdeoqońyraý arqyly elektrondy-tsıfrlyq qoltańba alý, turǵylyqty jeri boıynsha tirkelý, týý týraly kýálik alý, jyljymaıtyn múlik týraly málimetter (jyljymaıtyn múlik pen aýyrtpalylyqtardyń bolý-bolmaýy), bala týý boıynsha járdemaqy, júrgizýshi kýáligin aýystyrý jáne taǵy basqasy.
Budan bólek, Medeý HQKO-da jeke kýálikter men tólqujattardy rásimdeý úshin termınal iske qosylady.
Endi qujatty alýǵa ótinishti óz betinshe jáne jyldam berýge bolady. Kezekke ýaqyt jumsap, odan ári kóshi-qon qyzmetkerinen tirkeýden ótip, sýretke túsip, odan ári tólem úshin kassaǵa júgirýdiń qajeti joq. Qujattaý termınaly bárin bir jerde jasaýǵa múmkindik beredi. Onymen qosa, azamat qujat úshin sátti fotosýretti óz betinshe tańdaı alady. Protsess 10 mınýttan aspaıdy. Degenmen, qatelikter men túsinispeýshilikterdi boldyrmaý úshin ótinish berýshige kóshi-qon qyzmetiniń qyzmetkerine júginý qajet bolady. Ol ótinishtiń, fotosýrettiń jáne qoltańbanyń durystyǵyn tekseredi
,- dedi Óńirlik kommýnıkatsııalar qyzmetinde ótken brıfıngide «Azamattarǵa arnalǵan úkimet» memlekettik korporatsııasy Almaty qalasy fılıaly dırektorynyń orynbasary Aınash Áýbákirova.
Sondaı-aq brıfıng barysynda Medeý Halyqqa qyzmet kórsetý ortalyǵy sýper ortalyq formatynda tanystyryldy. Atap ótilgendeı, jańa HQKO álemdik standarttarǵa sáıkes keledi.
Ortalyqta birneshe aımaq bar – 10 mınýtqa deıingi qyzmetter úshin jyldamdyq aımaǵy, jaılylyq aımaǵy, uıaly telefondar ornatylǵan baılanys aımaǵy, onda azamattar mobıldik qosymsha arqyly qyzmet ala alady, HQKO-nyń beınejazbasy boıynsha qyzmetterdi alý kezinde qupııalylyqty saqtaýǵa arnalǵan vıdeokabınkalar jáne múmkindigi shekteýli jandar úshin jeke aımaq
, - dedi A.Áýbákirova.
Sondaı-aq jańa HQKO-da postamattar ornatylǵan, olar arqyly daıyn qujatty kez kelgen yńǵaıly ýaqytta alýǵa bolady. Postamattar táýlik boıy jumys isteıdi.
2022 jyly Memlekettik korporatsııa blockchain ınfraqurylymyn iske asyrdy jáne banktermen, qurylys kompanııalarymen birlesip Tsıfrlyq ıpotekany iske qosty. Bul ázirleýshiler men satyp alýshylar arasynda onlaın satyp alý-satý protsesin bastaýǵa múmkindik bergen. Bul rette páter men ıpotekalyq ónimdi tańdaýdan bastap sharttardy tirkeýge deıingi tolyq protsess tsıfrlandyryldy.