Kezdesýde Yntymaqtastyq týraly memorandýmǵa qol qoıyldy - Astana qalasy ІІD
ASTANA. 22 qyrkúıek. QazAqparat. 2011 jylǵy 22 qyrkúıekte elordalyq Іshki ister departamentinde joǵary oqý oryndarynyń basshylarymen jasóspirimder jáne jastar ortasynda quqyq buzýshylyqtyń aldyn alý boıynsha Astana q. ІІD-niń jáne polıtsııanyń kómekshi otrıadtarymen kezdesýi ótkizildi, dep habarlaıdy baspasóz qyzmeti.
Kezdesý barysynda Astana q. ІІD bastyǵy polıtsııa general-maıory A.A. Áýbákirov otrıad múshelerin, sondaı-aq joǵary oqý oryndarynyń basshylaryn baǵaly syılyqtarmen jáne alǵys hattarmen marapattady. Sonymen qatar jańadan taǵaıyndalǵan otrıad komandırlerine kýálikter tabys etilip, ári qaraıǵa birlesken jumystaryna tabys tiledi.
Kezdesýde Yntymaqtastyq týraly memorandýmǵa qol qoıylyp, birlesken jumys jospary jasalyp, otrıadtar arasynda tájirıbe almasý jumystary talqylandy.
Jyldyń basynan beri otrıad músheleri 1421 ákimshilik quqyq buzýshylyq anyqtap, 13 qylmys ashty.
Jyl saıyn qala ákimdigi qoǵamdyq kómekshilerdi marapattaý úshin 13 mln.teńge bólip, onyń ishinde marapattalatyndardyń arasynda otrıad músheleri de bar, marapattaý quny 10 myń teńge boldy.
Máselen, Agrotehnıkalyq ýnıversıtet otrıad músheleri úshin jeke bıýdjetten nysandy kıim tigip, tamaqtaný men jataqhanalardaǵy bólmelerge jatýǵa talon bólip berdi.
Osyndaı máseleler kezdesý barysynda talqylandy.
