Kezbe kúshiktiń kesirinen iri áýe apaty bola jazdady

Taez qalasyna qonbaqshy bolǵan 130 jolaýshysy bar laınerdiń aldynan oqystan kúshik shyǵa kelgende ushqysh baǵytyn ózgertip, shuǵyl qaıta kóterilip, Aden qalasynyń áýejaıyna sátti qondy. Kózdi ashyp-jumǵansha bolǵan bul oqıǵanyń aldyn alýǵa jerdegi qyzmet ókilderi úlgermedi, dep jazady Al Bawaba.

Áýejaı basshylyǵy atalǵan fakti boıynsha tekseris júrgizetinin málimdedi. Al qaýipsizdik qyzmeti kúshiktiń ushý-qoný alańynda qaıdan paıda bolǵanyn anyqtaýmen aınalysýda. Jergilikti BAQ mundaı jaǵdaılar bul elde jıi oryn alatynyn alǵa tartyp otyr. Mysaly eki aı buryn Yemen Airways ushaǵy qoný alańyn túıeler tabyny basyp alǵannan Hodeıdy áýejaıyna qona almaı ketken.