Kez kelgen júıede adamnyń róli asa mańyzdy - Braıan Fılbın

ASTANA. QazAqparat - Astana memlekettik qyzmet haby basqarýshy komıtetiniń tóraǵasy Álıhan Baımenov Kanada Kirister agenttiginiń aýdıt, baǵalaý jáne táýekelder jónindegi komıssarynyń orynbasary, aýdıt jónindegi bas atqarýshy dırektory Braıan Fılbınmen kezdesti, dep habarlaıdy QazAqparat.

Hab baspasóz qyzmetiniń habarlaýynsha, taraptar Astana habyna qatysýshy elderdiń memlekettik qyzmetshilerine arnalǵan aýdıt, baǵalaý jáne táýekelderdi basqarý júıesi boıynsha birlesken trenıngter men semınarlar ótkizý múmkindigin talqylady.

«Memlekettik organdardyń aýdıt jáne baǵalaý júıesi - memlekettik basqarý tıimdiligin arttyrýdyń mańyzdy faktory. Bul - aımaq elderinde áli de jetildirýdi qajet etetin baǵyttardyń biri. Osy turǵydan alǵanda, Kanada tájirıbesi úlken qyzyǵýshylyq týǵyzyp otyr» - dep atap ótti Álıhan Baımenov.

Óz kezeginde Braıan Flınbın myrza memlekettik qurylymdar qyzmetin baǵalaý jóninde oı bólisti.

«Memlekettik qurylymdar qyzmetin baǵalaýda eń mańyzdysy - táýekelderdi jáne adamı resýrstardy basqarýdy baǵalaý. Óıtkeni, kez kelgen júıede adamdardyń róli asa mańyzdy. Barlyq ózgeristerdi adamdar júzege asyrady, sondyqtan qyzmetkerlerdi sapaly irikteý jáne basqarý - negizgi faktor», - dedi ol.

Taraptar ózara yntymaqtastyqtyń kelesi naqty qadamdaryn aıqyndady.

Aıta ketý kerek, qazirgi tańda Astana habyna qatysýshy elder sany 40-qa jetken. Onyń ishinde EYDU, TMD, Kavkaz, Ortalyq Azııa jáne ACEAN elderi de bar.