Kez kelgen jerde «avarııkasyn» qosyp toqtaıtyndar senatordyń ashýyn týǵyzdy
ASTANA. QazAqparat - Senattyń jalpy otyrysynda depýtat Dýlat Qusdáýletov Qazaqstan joldarynda jol júrý erejeleriniń buzylý jaǵdaılaryna qatysty máseleni kóterdi, dep habarlaıdy QazAqparat.
«Joldarda jol-kólik oqıǵalaryn jasaýǵa jıi qaýip tóndiretin buzýshylyqtardy kórýge bolady. Biraq ishki ister organdarynyń qyzmetkerleri mundaı quqyq buzýshylarǵa qaraı bermeıdi. Mysaly, toqtaýǵa tyıym salynǵan kólik aǵyny qarqyndy kóshede júrgizýshilerdiń jolaýshylardy mingizý nemese túsirý úshin «avarııkasyn» qosyp kúrt toqtaýy «ıgi dástúrge» aınalýda. Kóbinese ishki ister organdarynyń qyzmetkerleri toqtaýdyń osyndaı tásilin ózderi de qoldanyp júredi, sondaı-aq jol júrý qaǵıdalarynyń basqa da buzýshylyqtary jıi baıqalady», - dedi Dýlat Qusdáýletov.
Onyń sózine qaraǵanda, joldarda kólik qozǵalysyna qatysýshylarǵa qaýip tóndiretin jaramsyz nemese tyıym salynǵa jaryq quraldarymen avtomobılder jıi kezdesedi.
Budan bólek, senator jol-kólik oqıǵalaryna sebepshi ózge de birqatar máselelerdi atady.
Osy oraıda senator bul baǵytta tıisti sharalardy qabyldaý maqsatynda QR Úkimet basshysy Baqytjan Saǵyntaevtyń atyna depýtattyq saýalyn joldady.
