Kez kelgen sheneýnik «Ashyq dıalog» habaryna qatysa alady - Abaev
ASTANA. QazAqparat - Aqparat jáne kommýnıkatsııa mınıstri Dáýren Abaev «Ashyq dıalog» telebaǵdarlamasynyń kezekti shyǵarylymy týraly habarlady, sondaı-aq oǵan qatysý máni jaıly aıtyp berdi.
«Keshe «Ashyq dıalog» baǵdarlamasynyń 5-shi shyǵarylymynda Mıhaıl Dorofeevpen ótken aptanyń barynsha ózekti taqyryby - eldegi sý tasqyny jaǵdaıyn, EKSPO-ǵa bıletterdi májbúrli satý, teńgeniń yqtımal revalvatsııasy jaıynda talqylandy», dep jazdy mınıstr D. Abaev óziniń Facebook-taǵy paraqshasyna.
Habar ár beısenbi saıyn saǵat 20.50-de bastalyp, 10 mınýtqa sozylady. Ol habardyń ıdeıasy keńinen qoǵam talqysyna túsken (ásirese áleýmettik jeli arqyly) máseleler boıynsha memlekettik ustanymdy jetkizý ekenin atap ótti.
«Ashyq dıalog» habarynyń alǵashqy shyǵarylymynan keıin maǵan basqa mınıstrlikter men resmı organdar quzyryndaǵy máselelerdi túsindirý jaýapkershiligin nege ózińizge alasyz degen suraq qoıyldy. Osy oraıda belgili bir deńgeıde bul meniń kásibı mindetim ekendigin, ekinshi jaǵynan, biz bul alańdy qoǵamdy tolqytyp otyrǵan taqyryptardy aıtýǵa ázir, óz salasyndaǵy iske asyrylyp jatqan saıasattyń mánin túsindirgisi keletin kez kelgen resmı tulǵaǵa usynýǵa daıyn ekenimizdi aıtqym keledi», - dedi mınıstr.
