Kez kelgen mólsherde alkogol ishý qaterli isik qaýpin arttyrady - DDU

NUR-SULTAN. QazAqparat – Búginde sút bezi qaterli isigi - Qazaqstanda jáne búkil álemde áıelder arasynda keń taralǵan onkologııalyq aýrýlardyń biri. Dúnıejúzilik densaýlyq saqtaý uıymynyń bastamasymen osy jyldyń qazan aıy sút bezi qaterli isigi týraly habar beretin aı bolyp tańdaldy. DDU-nyń Qazaqstandaǵy keńsesinde sút bezi qaterli isiginiń damý qaýpiniń negizgi faktorlarynyń biri alkogoldi tutyný ekeni atap ótildi, dep habarlaıdy QazAqparat.

Alkogol ishý qaterli isiktiń kem degende jeti túrine ákelýi múmkin: aýyz qýysynyń qaterli isigi, óńesh qaterli isigi, kómeı qaterli isigi, baýyr qaterli isigi, toq ishek qaterli isigi jáne sút bezi qaterli isigi.
Sarapshylar alkogoldiń kez kelgen mólsherin ishý qaterli isik aýrýynyń qaýpin arttyratynyn atap ótti. Eger sút bezi qaterli isigine toqtalar bolsaq, tipti kúnine bir staqan sharap áıelderde sút bezi qaterli isiginiń damý qaýpin arttyrýy múmkin.
Іshimdikti azaıtý nemese alkogolden tolyq bas tartý qaterli isik aýrýynyń qaýpin azaıtýǵa kómektesedi.
«Alkogoldiń kez kelgen túri qaterli isik qaýpin arttyrady. Sebebi, spırttiń adam densaýlyǵyna zııany orasan. Keıbir ishimdik sýsyndarynda spırttiń protsenti joǵary, al keıbir syra túrlerinde spırt kóp ekenin umytpaý kerek», - delingen Halyqaralyq qaterli isikti zertteý agenttiginiń saıtynda.