Kez kelgen qylmys úshin jazanyń ádil bolatyndyǵyna kúmán bolmaýy tıis - Elbasy

ASTANA. 2 qyrkúıek. QazAqparat - Kez kelgen qylmys úshin jazanyń ádil bolatyndyǵyna kúmán bolmaýy tıis. Bul týraly búgin besinshi shaqyrylǵan Parlamenttiń úshinshi sessııasynyń ashylýynda Elbasy Nursultan Nazarbaev aıtty.

Kez kelgen qylmys úshin jazanyń ádil bolatyndyǵyna kúmán bolmaýy tıis - Elbasy

«Parlament aldynda jańa qylmystyq-protsessýaldy, qylmystyq-atqarý kodeksteriniń, sonymen qatar ákimshilik quqyq buzýshylyq týraly kodekstiń jobasyn qaraý mindeti tur», - dedi Elbasy.

Osy oraıda Memleket basshysy atalǵan kodeksterdiń daıyndaý barysyn jiti qadaǵalaǵandyǵyn basa atap ótti. «Biz burynnan jumys istep kele jatyrmyz ári bul óte mańyzdy zańdar. Shyn máninde álemdik tájirıbege beıimdelgen quqyq saqtaý sot júıesiniń jańa negizi qalyptasatyn bolady», - dedi N.Nazarbaev

QR Prezıdenti kez kelgen quqyq buzýshylyqqa qoǵamda nóldik tózimdilik qalyptastyrý jáne qylmystyq quqyqty izgilendirý úrdisteri arasyndaǵy ortaq vektor qalyptastyrý zańdyq turǵyda mańyzdy ekendigin aıtty.

«Sonymen birge kez kelgen qylmys jáne el zańdarynyń buzylǵandyǵy úshin jazanyń ádil bolatyndyǵyna eshqandaı kúmán bolmaýy tıis»,- dedi QR Prezıdenti.