Kez kelgen kedergini eńserip, qıyndyqty jeńýge daıynbyz - Memleket basshysy
«Bizdiń baǵytymyz belgili, maqsatymyz aıqyn. Eń bastysy sol maqsatqa jetý úshin ne isteý qajettigin jaqsy bilemiz. Naqty jospar jasap, sony júzege asyryp jatyrmyz. Biz qolǵa alǵan ıgi bastamanyń bárin sońyna deıin jetkizemiz. Kez kelgen kedergini eńserip, qıyndyqty jeńýge daıynbyz. Men Memleket basshysy retinde halyq úshin barlyq kúsh-jigerimdi jumsaı beremin»,- dedi Memleket basshysy.
QR Prezıdenti memlekettik qyzmetkerler jáne búkil qoǵam birtutas el retinde aldymyzda turǵan mindetterdi oryndaý úshin jumylýǵa tıis ekendigin atap ótti.
«Áıtpese, erteń kesh qalýymyz múmkin. Sebebi dúnıejúzindegi ahýal qubylmaly ári túrli syn-qaterlerge toly. Myqty memleket bolý úshin ulttyń uıysa bilýi aıryqsha mańyzdy. Shyn máninde uıymdasqan utady. «Yntymaq júrgen jerde yrys birge júredi» dep halqymyz beker aıtpaǵan. Bizdiń kúsh-qýatymyz berekeli birlikte. Endeshe birligimizdi bekemdep el úshin eńbek eteıik. Qasıetti otanymyz máńgi jasaı bersin», - dedi Qasym-Jomart Toqaev.
