Kez kelgen BAQ ókili WhatsApp nómirimdi biledi – BQO ákimi

NUR-SULTAN. QazAqparat – Batys Qazaqstan oblysynyń ákimi Ǵalı Esqalıev BAQ ókilderimen jáne turǵyndarmen qalaı baılanys ornatqanyn aıtyp berdi, dep habarlaıdy QazAqparat.

«Jalpy oblys ákimdigi ashyq dep oılaımyn. Saıtymyzda, barlyq áleýmettik jelide ákim jumysy boıynsha turaqty aqparat berilip turady. Ózim BAQ ókilderimen jıi kezdespesem de, olardy barlyq issaparymyzǵa, úlken jınalystarǵa qatystyramyz. Sondyqtan eshqandaı jaqsyryn aqparat joq dep oılaımyn. Ashyq ekenimizdi kórsetý úshin men jumysqa kiriskende birden WhatsApp nómirimdi ([phone]) jarııaladym. Kez kelgen BAQ ókili meniń nómirimdi biledi, suraǵy bolsa, soǵan jazady. Men mindetti túrde habarlamany 2-3 kúnde ózim ashyp qarap, bárine jaýap berip otyramyn», - dedi Ǵalı Esqalıev Ortalyq kommýnıkatsııalar qyzmetinde ótken baspasóz máslıhatynda.

Sonymen birge, ákim áleýmettik jelide qanshalyqty belsendi ekenin aıtty.

«Shyny kerek, Instagram-da men joqpyn. Akkaýnt ashyp qoısam da, belsendi bola almaı jatyrmyn. Kóbinese, Facebook arqyly halyqqa óz oıymdy nemese jumysymdy jetkizip otyramyn. Jalpy, BQO ákimdiginiń resmı saıty arqyly qajetti aqparatty berip otyramyz. Turǵyndar óz suraq-usynysyn Facebook nemese WhatsApp nómirime tikeleı jazyp otyrady», - deıdi Ǵ. Esqalıev.