Kez kelgen arnaýly sala qajetinshe memlekettik tilde sóıleýi shart - Sh. Qurmanbaıuly
ASTANA. 9 tamyz. QazAqparat /Qanat Mámetqazyuly/ - Kez kelgen arnaýly sala qajetinshe memlekettik tilde sóıleýi shart. Áıtse de, bul halyqaralyq termınderdi tutastaı qazaqshaǵa aýdarý kerek degendi bildirmeıdi.
Bul týraly búgin Mádenıet mınıstrliginde ótken jıyn barysynda Til komıtetiniń tóraǵasy Sherýbaı Qurmanbaıuly osylaı dedi.
«Qazaqstan táýelsizdigin jarııalaǵan 1991 jyldan bastap termınologııa salasynda, qazaq tilindegi termın shyǵarmashylyǵy júrgizilmegen bolatyn. Endi ǵana jandana bastaǵan bul durys úderis. Al biraz ýaqyt qalyptasqan halyqaralyq termınderdi bekitý termınkomnyń mindetine jatpaıdy. Al olqy aýdarylyp, durys jasalmaǵan nemese jekelegen adamdardyń bastamasymen usynylǵan termınder Termınkommen rettelip otyrady», - dedi Sh. Qurmanbaıuly.
Onyń aıtýynsha, barlyq sala boıynsha, onyń ishinde jańadan ómirge enip jatqan kıbernetıka, aqparattyq tehnologııa salalarynyń qazaqsha aýdarmasy jasalýy tıis. Komıtet tóraǵasy buǵan qarjy bólinýi tıistigin de atap ótti. «Kez kelgen arnaýly sala qajetinshe memlekettik tilde sóıleýi shart. Degenmen, bul halyqaralyq termınderdi tutastaı qazaqshaǵa aýdarý kerek, degendi bildirmeıdi», - deıdi Sh. Qurmanbaıuly.
