Keıýana 107 jasynda tólqujatyn aldy
ASTANA. QazAqparat - Paragvaıda 107 jasqa kelgen ájeı ómirinde birinshi ret jeke kýálik aldy.
Jergilikti basylymǵa silteme jasap, TASS habarlaǵandaı, Dolores Sosan osynaý uzaq ǵumyrynda tek týýy týraly kýáligimen júre bergen.
Balalaryn da sol qujat kómegimen tirkegen. Keıinnen ony da joǵaltyp alǵan. Alaıda, eldiń ishki ister mınıstri Fransısko de Vargastyń paragvaılyq jýrnalısterge aıtýynsha qatelik túzetilip, keıýana osyndaı jasta qujat berilgen eldegi alǵashqy adamǵa aınaldy.
107 jastaǵy Dolores Sosa jeke kýálik alǵanyna qatty qýandy. Ol jýrnalısterge densaýlyǵynyń áli de tyń ekenin, sondaı-aq tátti taǵamdar jegendi, tipti sharap ishkendi unatatynyn aıtqan.
