Keıingi jyldary elimizde adamdardyń ortasha ómir súrý uzaqtyǵy artty
ASTANA. KAZINFORM — Búgin Parlament Májilisinde «Qazaqstan Respýblıkasynyń keıbir zańnamalyq aktilerine mindetti áleýmettik medıtsınalyq saqtandyrý máseleleri boıynsha ózgerister men tolyqtyrýlar engizý týraly» zań jobasy tanystyryldy.
- Mindetti áleýmettik medıtsınalyq saqtandyrý týraly zań 2015 jyly qabyldanyp, onyń 2020 jyly engizilýi bastaldy. MÁMS júıesin engizgennen bastap densaýlyq saqtaýdy qarjylandyrý úsh esege ósti, onyń ishinde MÁMS júıesi qarajatynyń úlesi 0,4 trln teńgeden 1,3 trln teńgege deıin ulǵaıdy. Medıtsınalyq kómekti qarjylandyrý kóleminiń ulǵaıýy halyqtyń medıtsınalyq kómekti, onyń ishinde joǵary tehnologııalyq jáne qymbat dıagnostıkalyq qyzmetterdi paıdalanýynyń artýyna ákeldi. Bul jalpy ómir súrý uzaqtyǵynyń 2021 jylǵy 70,2 jyldan 2023 jyly 75 jasqa deıin ósýine áser etti. ıAǵnı, MÁMS densaýlyq saqtaý júıesiniń mańyzdy quramdas bóligine aınaldy, - dedi QR Densaýlyq saqtaý mınıstri Aqmaral Álnazarova.
Onyń aıtýynsha, MÁMS júıesinde birqatar problema saqtalyp otyr. Olar mynalarmen baılanysty:
1) azamattardyń MÁMS júıesimen tómen qamtylýy;
2) medıtsınalyq kómektiń aralas paketterin ákimshilik basqarýdyń kúrdeliligi.
- Sonymen qatar, oń demografııalyq kórsetkishter densaýlyq saqtaý júıesine qosymsha mindetterdi júkteıdi. Atap aıtsaq, halyq sanynyń sońǵy 5 jylda 7 paıyzǵa ósti (2018-2025 jj.), medıtsınalyq kómekti tutynýshylar sanynyń artýy, ıaǵnı keıingi bes jylda 60 jastan asqan adamdar sany 28 paıyzǵa, balalar sany 18 paıyzǵa ósti. Budan bólek, aýrýshańdyq kórsetkishi de artty. Munymen qosa, joǵary tehnologııalyq medıtsınalyq qyzmetterdi paıdalanýdyń artýyna baılanysty statsıonarlyq qyzmettiń ortasha quny 1,6 ese ósken. Bul MÁMS júıesiniń qarjylandyrý modelin qaıta qaraý úshin obektıvti faktorlar retinde sanalady jáne Zań jobasynyń negizinde uzaq merzimdi aktýarlyq modelin qalyptastyrý kezinde eskerildi, - dedi mınıstr.
Qazirgi ýaqytta, densaýlyq saqtaýdy qarjylandyrý aralas bıýdjettik-saqtandyrý modeli boıynsha júzege asyrylady.
- Degenmen, TMKKK jáne MÁMS eki paketiniń bolýy ákimshilik-basqarýdy qıyndatyp jáne tolyqqandy saqtandyrý júıesine kóshýdi baıaýlatýda. Joǵarǵy aýdıtorlyq palatanyń 2023 jylǵy tekserý qorytyndysy boıynsha medıtsınalyq kómekti 39 mlrd teńge kóleminde paketten paketke aýystyryp, qarjylandyrylǵan júıelik kemshilik anyqtaldy. Memleket basshysynyń 2024 jylǵy 2 qyrkúıektegi Qazaqstan halqyna Joldaýynda memlekettiń múmkindigi men mindettemelerin eskere otyryp, «medıtsınalyq kómektiń Biryńǵaı bazalyq paketin» qalyptastyrýdy tapsyrdy. Joǵaryda aıtylǵandarǵa baılanysty MÁMS reformasy bul - tek qajettilik emes, sonymen qatar strategııalyq basymdyq ekendigi anyq. Densaýlyq saqtaý mınıstrligi barlyq múddeli organdarmen birlesip, júıeni nyǵaıtýǵa baǵyttalǵan birqatar zańnamalyq sharalardy usynady. Bul ózgerister medıtsınalyq kómektiń sapasyn arttyryp qana qoımaı, densaýlyq saqtaýdyń uzaq merzimdi qarjylyq turaqtylyǵyn saqtaýǵa múmkindik beredi, - dedi vedomstvo basshysy.
Budan buryn habarlanǵandaı, endi MÁMS-pen qamtylmaǵandar aqysyz onkologııalyq skrınıngten óte alady.