Keıingi jyldary dárilik zattardyń baǵasyna qatysty 240 mln teńgege aıyppul salyndy
ASTANA. KAZINFORM – Dári-dármek naryǵynda 2023 jyly zańsyz ónimder anyqtaldy.
«Qazaqstan Respýblıkasynyń aýmaǵynda tirkelmegen dárilik jáne medıtsınalyq zattardy ótkizý men saqtaý boıynsha 2022 jyly 26 ákimshilik hattama jasaldy jáne 8,9 mln teńge somasyna aıyppul salyndy. Al 2023 jyly 66 ákimshilik hattama jasalyp, 36,7 mln teńgeden astam somaǵa aıyppul tirkeldi», - delingen Densaýlyq saqtaý mınıstrliginiń Kazinform agenttigine bergen jaýabynda.
Sonymen qatar vedomstvo QR Ákimshilik quqyq buzýshylyq týraly kodeksiniń 426-babyna sáıkes preparatty bekitilgen shekti baǵadan joǵary satqany úshin jaýapkershilik qarastyrylǵanyn eske saldy.
«Kazirgi kezde dári-dármek baǵasyna qatysty shaǵymdar bolǵan joq. 2020-2023 jyldary dárilik jáne medıtsınalyq zattarǵa qatysty baǵany baqylaý aıasynda 244,8 mln teńgeden astam somaǵa aıyppul salynyp, shekti baǵadan asyp ketýdiń 923 faktisi anyqtaldy», - dep atalyp ótken mınıstrlik aqparatynda.
Máselen, 2020 jyly 237,1 mln teńgeden astam somaǵa aıyppul salynyp, shekti baǵadan asyp ketýdiń 863 deregi tirkeldi. 2021 jyly 5,2 mln teńgeden astam aıyppulmen osyndaı 41 fakti anyqtaldy.
Sonymen qatar, 2022 jyly shekti baǵadan asyp ketýdiń 7 deregi (1 mln teńge aıyppul), 2023 jyly 12 derek (2,1 mln teńge aıyppul) tirkeldi.
