Keıingi úsh jylda Ózbekstan tabıǵatyna 77,8 mln dollar zalal keldi

TAShKENT. KAZINFORM – Ózbekstannyń Memlekettik ekologııalyq baqylaý ınspektsııasy úsh jyldyń ishinde 3,5 myńnan astam reıd júrgizdi, dep habarlaıdy Kazinform agenttiginiń menshikti tilshisi.  

- Atap aıtqanda, keıingi 3 jyldyń ishinde prokýratýraǵa 429 qylmystyq istiń materıaly joldandy. Tabıǵatqa keltirilgen zalal 982 mlrd sýmǵa (shamamen 77,8 mln dollar) baǵalanady, - delingen Ózbekstannyń Ekologııa mınıstrligi taratqan habarlamada.

Resmı aqparatqa sáıkes, 2023 jyly – 171, 2024 jyly – 172 jáne bıyl 5 aıda 86 qylmystyq is prokýratýra organdaryna joldandy. Tıisinshe, 275 fakti boıynsha quqyq buzýshylar qylmystyq jaýapqa tartyldy.

Eske salaıyq, bıyldan bastap Ózbekstannyń iri qalalarynda qorshaǵan ortaǵa zalal keltiretin kásiporyndardy ashýǵa tyıym salyndy.

Sonymen qatar, taıaýda Tashkenttegi Green University bazasynda Halyqaralyq tabıǵatty qorǵaý odaǵynyń Ortalyq Azııa boıynsha keńsesi ashyldy. Ol óńirdegi 5 memleketke tán ekologııalyq máselelerdi zerdeleýmen aınalysady.