Keıingi urpaqtyń jarqyn bolashaǵy úshin beıbitshilikti nyǵaıtýymyz kerek — Prezıdent
ASTANA. KAZINFORM — Búgin — ıAdrolyq synaqtarǵa qarsy halyqaralyq is-qımyl kúni. Bul ataýly kúndi BUU Bas Assambleıasy Qazaqstannyń bastamasymen bekitti, dep jazdy Prezıdent Qasym-Jomart Toqaev óziniń X paraqshasynda.
Onyń sózinshe, Qazaqstan halqy atom qarýyn synaýdan qatty zardap shekti. Mundaı qasiret qaıtalanbaýy tıis.
— Búgin — ıAdrolyq synaqtarǵa qarsy halyqaralyq is-qımyl kúni. Bul ataýly kúndi BUU Bas Assambleıasy Qazaqstannyń bastamasymen bekitti. Halqymyz atom qarýyn synaýdan qatty zardap shekti. Mundaı qasiret qaıtalanbaýǵa tıis. Biz keıingi urpaqtyń jarqyn bolashaǵy úshin beıbitshilikti nyǵaıtyp, halyqaralyq áriptestikti damyta túsýimiz kerek. ıAdrolyq qarýdan jáne synaqtardan birjola bas tartýǵa kúsh salýymyz qajet. Beıbitshilik pen qaýipsizdik — búkil adamzatqa ortaq eń basty qundylyqtar, — dep jazdy Memleket basshysy.
Budan buryn habarlanǵandaı, Semeı polıgonynan zardap shekken 1,1 mln qazaqstandyq bar. ıAdrolyq synaq polıgonynan zardap shekken qazaqstandyqtarǵa memleket laıyqty qoldaý kórsete alyp otyr ma? Eńbek jáne halyqty áleýmettik qorǵaý mınıstrligine osy týraly saýal joldaǵanbyz.