Keıingi eki jylda medıtsınalyq JOO túlekteriniń sany 20%-ǵa ósti

ASTANA. KAZINFORM – Keıingi eki jyldyń ishinde elimizdiń medıtsınalyq joǵary oqý oryndarynyń jumysqa ornalastyrylǵan túlekteriniń sany 20%-ǵa ósti, bul óńirlerdegi kadrlar tapshylyǵynyń tómendeýine áser etti, dep habarlaıdy Densaýlyq saqtaý mınıstrligi. 

Eger 2023 jyly 1 857 jas maman jumyspen qamtylsa, ótken jyly olardyń sany 2 271-di qurady.

Jyl saıyn memleket – bakalavrıattan doktorantýraǵa deıin 5 685 bilim grantyn bóledi. Memlekettik bilim berý tapsyrysy óńirlerdiń, eń aldymen aýyldyq jerler men shaǵyn qalalardyń naqty qajettiligin eskere otyryp qalyptastyrylady.

Kadrlardy bekitý úshin áleýmettik qoldaý sharalarynyń kesheni iske asyrylyp jatyr. Bul – turǵyn úıge jeńildikti kredıtter, keminde 5 jyl jumys istegen jaǵdaıda eń tómengi jalaqynyń 100 eselengen (8,5 mln teńge) mólsherinde birjolǵy tólem. 2024 jyly mundaı tólemdi 254 maman, 2025 jyly – 529 medıtsına qyzmetkeri aldy. Jalpy, 2025 jyly 1 760 dáriger áleýmettik qoldaý sharalaryn aldy.

Іske asyrylǵan sharalar dárigerlerdiń jalpy tapshylyǵyn 20%-ǵa, al aýyldyq jerlerde – 30%-ǵa tómendetýge múmkindik berdi.

Densaýlyq saqtaý mınıstrligi túlekterdi jumysqa ornalastyrýdy qamtamasyz etý jáne salanyń kadrlyq áleýetin nyǵaıtý jónindegi júıeli jumysty jalǵastyrady.

Buǵan deıin habarlaǵanymyzdaı, elimizde medıtsınalyq qyzmetterdi lıtsenzııalaý júıesi jańartylady.