Keıingi eki jylda bankterde 14,6 mlrd teńgege jalǵan nesıe berilgen - depýtat
Eki jylda bankterde 14,6 mlrd teńgege 7,8 myń jalǵan nesıe rásimdelgen. Bul týraly Parlament Májilisinde kredıt berý kezinde táýekelderdi azaıtýǵa arnalǵan zań jobasynyń tanystyrylymynda depýtat Mádı Takıev aıtty, dep habarlaıdy Kazinform.
«Osy zań jobasy aıasyn kredıt boıynsha alaıaqtyqqa tosqaýyl qoıý tetikteri qarastyrylǵan. Qarjylyq alaıaqtyqpen baılanysty qylmystardyń sany ósti. Keıingi eki jylda bankterde 14,6 mlrd teńgege 7,8 myń jalǵan nesıe rásimdelgen. Sonymen birge, zańsyz nesıelerdiń 6,5 myńǵa jýyǵy nemese 82 paıyzy alaıaqtardyń yqpalymen banktik mobıldi qosymshalar arqyly berilgen», - dedi M. Takıev.
Májilis qaraýyna engizilgen osy zań jobasynda kredıt alýdan aldyn ala jáne resmı túrde bas tartqan qazaqstandyqtardy alaıaqtar rásimdegen qaryzdan bosatý týraly norma qamtylǵan.
«Adamdar kredıt alýǵa ótinim bermese de, onyń atyna bóten bireý nesıe rásimdep jatqan oqıǵalar kezdesip jatady. Keıin osy adam shyn máninde kredıt qarajatyn almaǵanyn dáleldep áýrege túsetin. ıAǵnı, nesıe alý úshin bank ǵımaratyna da barmaǵanyn aıtyp jatady. Qazir usynylyp jatqan zań jobasynda arnaıy tarmaq engizilýde. Onyń aıasynda adamdar eGov.kz júıesi arqyly nesıe rásimdeýden aldyn ala bas tarta alady», - dedi depýtat Berik Beısenǵalıev.
Májilis depýtatynyń sózine qaraǵanda, eger adamdar kredıtten resmı túrde bas tartsa, onda bul adam alaıaqtardyń tuzaǵyna túspeıdi.
