Keıingi bes jylda Ózbekstanda tárkilengen sıntetıkalyq esirtki kólemi 80 ese ósken

TAShKENT. KAZINFORM — Jyl basynan beri Ózbekstanda 13 myńǵa jýyq esirtki qylmysy anyqtaldy, dep habarlaıdy Kazinform agenttiginiń menshikti tilshisi.

Іshki ister mınıstrliginiń málimetinshe, keıingi 5 jylda Ózbekstanda bul baǵytta jasalǵan qylmystardyń sany — 2, al tárkilengen sıntetıkalyq esirtki kólemi 80 ese ósken.

2024 jyly quqyq qorǵaý organdary 5 jasyryn esirtki zerthanasyn anyqtasa, bıyl 10 aıda olardyń sany 12-ge jetti. Qańtar-qazan aralyǵynda respýblıkada 13 myńǵa jýyq esirtki qylmysy jasalyp, 2,7 tonnadan astam psıhotroptyq jáne kúshti áser etetin zattardyń zańsyz aınalymyna shekteý qoıyldy.

Eske salaıyq, taıaýda Ózbekstan bıligi esirtki qylmystaryna qarsy kúrestiń 2025-2026 jyldarǵa arnalǵan ulttyq baǵdarlamasyn qabyldady.

Sondaı-aq, birneshe kún buryn Ózbekstan prezıdenti Shavkat Mırzıeev veıp, oǵan arnalǵan hosh ıistendirgish pen suıyqtyq ákelýge, satýǵa jáne taratýǵa tyıym salatyn zańǵa qol qoıdy.