Keıingi 5 jylda shekara mańyndaǵy aýyldarda neshe joba iske asty
ASTANA. KAZINFORM — QR Ulttyq ekonomıka mınıstrligi shekara mańyndaǵy eldi mekenderde respýblıkalyq bıýdjet esebinen salynǵan jobalarǵa qatysty túsinik berdi.
— Jergilikti deńgeıde bilim berý mekemeleriniń qajettiligin oblys ákimdigi júzege asyrady. Bul rette, bilim mekemeleri suranysqa qaraı salynatynyn atap ótemiz. Óz kezeginde shekara mańyndaǵy eldi mekenderde 2019 — 2024 jyldary respýblıkalyq bıýdjet qarajatynan 1 965 joba iske asyryldy, onyń ishinde 142 joba bilim berý nysanyna jatady. Sonymen birge, jergilikti bıýdjet qarajaty esebinen jobalardy iske asyrý jergilikti atqarýshy organdardyń quzyreti sheginde sheshiledi, — delingen mınıstrliktiń Kazinform agenttigine bergen jaýabynda.
Aıta keteıik, elimizde Memleket basshysynyń tapsyrmasyna sáıkes elimizde «Jaıly mektep» ulttyq jobasy qabyldanyp, josparly túrde iske asyrylyp jatyr. Atalǵan joba óńirlerde oqýshy oryndarynyń jetispeýshiligi, apatty jáne úsh aýysymdy mektepterdi azaıtý máselelerin sheshýge baǵyttalǵan.
Eske salsaq, buǵan deıin shalǵaıdaǵy aýyl mektepterin ınternetke qosý máselesin jazǵan edik.