Keıingi 5 jylda elimizdegi ólim-jitim 9%-ǵa tómendegen

ASTANA. KAZINFORM – Bul týraly búgin medıtsına mamandaryn kásibı merkemen quttyqtaǵan Úkimet basshysy Oljas Bektenovtyń quttyqtaýynan málim boldy.

«Sizderdi kásibı merekelerińizben shyn júrekten quttyqtaımyn! Ult saýlyǵy – memleketimizdiń basty qundylyǵy. Mártebeli mindetti abyroımen atqaryp júrgen aq halatty abzal jandardyń qajyrly eńbekteri árdaıym ulyqtaýǵa laıyq. Bul rette densaýlyq saqtaý salasyn odan ári damytý, medıtsınalyq qyzmettiń sapasyn arttyrý, dárigerlerge jaǵdaı jasaý memlekettik saıasattyń basymdyǵy bolyp qala bermek»,-dep jazdy Oljas Bektenov.

Úkimet basshysy keltirgen málimetterge qaraǵanda, búginde elimizde 270 myńnan astam medıtsına qyzmetkeri eńbek etýde, joǵary oqý oryndarynda 70 myńǵa jýyq bolashaq maman bilim alyp jatyr. Osynaý qasterli mamandyqqa degen adaldyqtyń naǵyz etalony bolyp tabylatyn dárigerler qaýymy shyn máninde bıik adamgershilik pen sheksiz meıirimniń, eńbekqorlyqtyń eren úlgisin kórsetip keledi. Sońǵy 5 jylda dárigerler men medıtsına qyzmetkerleriniń kúsh-jigeriniń arqasynda elimizdegi ólim-jitim 9%-ǵa tómendep, ómir súrýdiń ortasha kórsetkishi uzardy.

«Barshańyzdy tól merekelerińizben quttyqtaı otyryp, osynaý mereıli kúnde denderińizge saýlyq, shańyraqtaryńyzǵa shattyq, eńbekterińizge mol tabys tileımin!»,-dedi Premer.