Bıyl 30 qazaqstandyq ziltemirshi dopıng daýyna ilikken

Týrızm jáne sport mınıstri Ermek Marjyqpaev ortalyq kommýnıkatsııalar qyzmetinde sportshylar arasynda dopıng qoldaný nege jıilep ketkenin aıtty, dep habarlaıdy Kazinform.

«Búginde bizdiń sportshylardy Almatydaǵy Sporttyq medıtsına ortalyǵy súıemeldeıdi. Bizdiń oblysta sport-dene-shynyqtyrý dıspanserleri bar. Ókinishke qaraı, óńirde mundaı ortalyq joq ekenin aıtý kerek. Jergilikti ákimdiktermen birlesip osyndaı ortalyqtardy ashsaq degen josparymyz bar», - dedi mınıstr.

Onyń sózinshe, keıingi úsh jylda 133 qazaqstandyq sportshynyń dopıng daýyna ilikken.

«Onyń 93-i jazǵy Olımpıada sport túriniń ókili. Bul 93-tiń 45-i aýyr atletterimiz. Solarǵa jeke toqtalǵym keledi. 2020 jyly dopıng daýyna ilikken aýyr atletterdiń sany beseý, 2022 jyly 10 bolsa, bıyldyń ózinde ǵana 30 atlettiń dopıng qoldanǵany dáleldendi. Bul biz úshin úlken jara. Óıtkeni birinshi, ekinshi, úshinshi sanattaǵy qurama komanda túgel shettetilgen. Sonda qazir bazalyq quramanyń rólin jasóspirimder atqarýǵa májbúr. ıAǵnı, jaǵdaı jaqsy emes. Qazir dopıngke qarsy ortalyqpen birge tyǵyz jumys istep jatyrmyz. Ókinishke qaraı, ınternet arqyly sporttyq taǵamǵa tapsyrys berý ońaı. Sportshylardyń kóbi osyndaı tapsyryspen sapasyz taǵamǵa urynyp qalyp jatady. ıAǵnı, dopıngke sanaly túrde barmaıtyndary da bar. Tipti ınternet pen dárihanany qoıyp bazardan da satyp alatyndar bar. Bul jumysty júıelep, zańnamany taǵy jetildirý kerek. Óıtken óte kóp sportshymyzdan aıyrylyp jatyrmyz», - dedi Ermek Marjyqpaev.