Keıko Fýhımorı Perýdiń jańa prezıdenti bolyp resmı jarııalandy
ASTANA. KAZINFORM — «Halyq kúshi» partııasynyń kandıdaty Keıko Fýhımorı Perýdiń jańa prezıdenti bolyp resmı túrde jarııalandy, dep habarlaıdy Sınhýa.
7 maýsymda ótken prezıdenttik saılaýdyń resmı qorytyndysyn Perýdiń Ulttyq saılaý alqasynyń tóraǵasy Roberto Býrneo jarııalady.
– Ulttyq saılaý alqasynyń atynan Keıko Fýhımorıdi Perý Respýblıkasynyń prezıdenti bolyp resmı túrde jarııalaımyn, – dedi ol saılaý nátıjelerin jarııalaý rásiminde.
Ulttyq saılaý protsesteri basqarmasynyń málimetinshe, Keıko Fýhımorı saılaýshylardyń 50 paıyzdan astamynyń daýysyn jınaǵan.
Onyń prezıdenttik ókilettik merzimi 2026–2031 jyldarǵa eseptelgen. Perýdiń jańa prezıdenti qyzmetine 28 shildede kirisedi.
Birinshi vıtse-prezıdent bolyp Lýıs Galarreta, al ekinshi vıtse-prezıdent bolyp Mıgel Torres taǵaıyndaldy.
