Keıki batyr músini murajaıǵa qoıyldy
QOSTANAI. QazAqparat - Halyq batyry Keıkiniń bas súıegi Qostanaı oblysy Amangeldi aýdanynyń A. Imanov atyndaǵy memorıaldyq murajaıyna qoıyldy, dep habarlaıdy QazAqparat tilshisi.
«Batyr músinin Almatydan aldyryp, murajaıǵa jergilikti kásipker Tańatar Ahmetov jetkizdi. Sondaı-aq, kásipker bas súıekke baılanysty Vengrııanyń jáne Reseı Federatsııasynyń Mádenıet mınıstrlikteriniń bergen birneshe qujattaryn qosa tabys etti. Endi kez kelgen murajaıǵa kelýshi batyrdyń músinin kórip, qujattarmen tanysa alady», - delingen Amangeldi Imanov memorıaldyq murajaıynyń habarlamasynda.
Byltyr araǵa ǵasyrǵa jýyq ýaqyt salyp, byltyr elge oralǵan Keıki batyr súıegin jerleý rásimi Amangeldi aýdanynda ótken bolatyn.
Súıekti jer qoınyna tapsyrý rəsimine QR Memlekettik hatshysy Gúlshara Əbdiqalyqova, QR Mədenıet jəne sport mınıstri Arystanbek Muhamedıuly, Qostanaı oblysynyń əkimi Arhımed Muhambetov, Vengrııanyń Qazaqstandaǵy elshisi Baranı Andrash, QR Parlamenti depýtaty Qýanysh Sultanov, jazýshy Səbıt Dosanov qatysty.
1916 jylǵy Ult-azattyq qozǵalys kósemderiniń biri, halyq batyry Keıkiniń bas súıeginiń týǵan topyraǵyna jerlenýi ulttyq rýhty bir kóterdi. Keıinirek Vengrııanyń Qazaqstandaǵy Tótenshe jáne Ókiletti elshisi Andrash Baranı Keıki batyrdyń bas súıeginiń jerlenýi qaraly rásim bolǵanymen, qazaqstandyq-majarlyq rýhanı baılanystyń sımvolıkalyq dáleli dep aıtqan edi.
