Keıipkerleri kórermen kóńiline jol taýyp jatsa - bul akter úshin úlken baqyt - N. Yqtymbaev
ALMATY. 8 jeltoqsan. QazAqparat /Erlik Erjanuly/ - Men árqashanda rólderimdi ózime unaıtyndaı qylyp oınaımyn, dedi Qazaqstanyń halyq ártisi Nurjuman Yqtymbaev keshe Almatyda "Keshikken mahabbat" lırıkalyq komedııasynyń tanystyrylý rásiminde.
Basty rólderdi Nurjuman Yqtymbaev, Natalıa Arynbasarova, Bolat Qalymbetov, Jerar Deparde sııaqty otandyq jáne sheteldik áıgili kıno sheberleri somdaǵan bul fılmniń qoıýshy rejısseri Sábıt Qurmanbekov. Ony Sháken Aımanov atyndaǵy "Qazaqfılm" AQ men "Tanaris" kınokompanııasy birigip túsirdi.
"Bul jasy kelgen adamdardyń taǵdyry ǵoı. Oǵan óte mán berip qaraý kerek. Qartaıdy ǵoı endi káriler úıine aparyp tastaıyq deýge bolmaıdy. Ár ýaqytta, ár jasta adamnyń óz ómiri, óz taǵdyry bolady. Biz bul kınony osyǵan arnap jasaǵanbyz. Adam qartaıady, ásirese jastar ata-ananyń qadirin bilýi kerek", - deıdi Qazaqstannyń halyq ártisi, táýelsiz «Tarlan» syılyǵynyń ıegeri Nurjuman Yqtymbaev.
Álemniń kóptegen elderinde árqıly fılmderge túsken áıgili óner sheberiniń aıtýynsha, árbir rólin ol eń aldymen ózine unaıtyndaı etip oınaıdy. Ózi somdaǵan keıipkerleri kórermen kóńiline jol taýyp jatsa - bul akter úshin úlken baqyt.
