Keıingi jyldary astanalyqtardyń eń tómengi kúnkóris deńgeıi 9,5 paıyzǵa ósti
ASTANA. 8 qańtar. QazAqparat - Eń tómengi kúnkóris deńgeıi Astana qalasynda 2012 jyldyń jeltoqsan aıynda 19 267 teńgeni qurady. Sońǵy aıda ol 0,5%-ǵa, al 2011 jyldyń jeltoqsan aıymen salystyrǵanda 9,5%-ǵa ósti, dep habarlaıdy qalalyq Statıstıka departamentinen.
Elordanyń resmı saıtyndaǵy málimetterge qaraǵanda, eń tómengi kúnkóris deńgeıiniń kólemi negizgi tutyný taǵamdarynyń tómengi normasynan alynyp esepteledi. 2012 jyldyń jeltoqsan aıynda astanalyqtarǵa et pen balyq satyp alý úshin shyǵyndar úlesiniń 24,4%-y, sút, maıy az taǵamdar men jumyrtqaǵa - 15,5%, jemis pen kókóniske - 10,6%, nan ónimderi men jarma ónimderine - 7,6%, qant, shaı men demdeýishterge - 1,9% jumsaldy eken.
