Keıingi geosaıası jaǵdaılar Aýǵanstan máselesin ekinshi orynǵa ysyrdy - Shavkat Mırzıeev
«Jańa geosaıası ahýal búkil Azııa óńiriniń turaqtylyǵyna qater tóndirip tur. Daǵdarys qubylystary Ortalyq Azııa elderine tikeleı áser etip, ekonomıkalyq ıntegratsııamyzdy tereńdetýge jumsaǵan kúshimizdi tejep jatyr. Qaýipsizdik, damý jáne gúldený jolyndaǵy múddelerimiz ortaq ekenin eskersek, bizge mynandaı basym baǵyttarǵa basa mán berý kerek.
Birinshiden, Aýǵanstandaǵy ahýal erekshe nazardy qajet etedi. Ókinishke qaraı, álemdegi ózge de ózekti problemalardyń bederinde Aýǵanstandaǵy ahýaldy retteý máselesi ekinshi kezekke yǵysyp qaldy. Ótken ókinishterdiń qaıtalanýyna jol berýge bolmaıdy. Ol kezde bul memleket halyqaralyq terrorıstik habqa aınalǵan bolatyn», - dedi Ózbekstan basshysy AÓSShK VI sammıtinde.
Onyń paıymynsha, Azııa elderi Aýǵanstannyń ýaqytsha Úkimetimen ózara áreketterdiń ortaq tásilderin úılestirýi kerek.
«Aýǵan problemasynda keń aýqymdy ymyraǵa kelip, jahandyq deńgeıde is júzindegi sharalar qabyldaý úshin BUU Bas Assambleıasyna Aýǵanstan bıligimen taraptardyń óz mindettemelerin kezeń-kezeńmen oryndaýyn belgileıtin algorımter jónindegi joǵary deńgeıdegi halyqaralyq kelissóz tobyn qurý týraly Azııa elderiniń birlesken úndeýin joldaý múmkindigin qarastyrýdy usynamyn», - dedi Shavkat Mırzıeev.
Foto: t.me/bort_01
