Keıingi 5 jylda Ortalyq Azııanyń ishki saýda kólemi 50% artqan
«Ortalyq Azııada saýda kóleminiń artýyn da joǵary deńgeıdegi kezdesýlerdiń naqty nátıjesi retinde ataýǵa bolady. Mysaly 2018 jyldan beri Ortalyq Azııa elderiniń arasyndaǵy saýda kólemi 50 paıyz ósken. Saýda-ekonomıkalyq áriptestikti odan ári damytý úshin birqatar mańyzdy logıstıkalyq jobalar qolǵa alynyp jatyr. Іskerlik baılanystardyń artqany ekonomıkanyń kóptegen salasynda birlesken kásiporyndardyń sany kóbeıgeninen baıqalyp otyr», - dedi vıtse-mınıstr «Ortalyq Azııa-2030:Bolashaqtyń kelbeti» atty sarapshylar kezdesýinde.
Sondaı-aq ol búgingi jaǵdaıda Ortalyq Azııa elderine yntymaq aýadaı qajet ekenin eske saldy.
«Búgin bárimiz aýqymdy geosaıası, geoekonomıkalyq transformatsııalarǵa kýá bolyp otyrmyz. Bul ózgeristerdiń astarynda túrli qaýip-qaterlermen birge jańa múmkindikter de jatýy múmkin.
«Qazir Ortalyq Azııa elderi arasynda ekijaqty da, kópjaqty da údemeli saıası dıalog qalyptasyp úlgerdi. Joǵary deńgeıdegi udaıy baılanystar strategııalyq mańyzy bar máselelerdi sheshýge múmkindik beredi. Osynyń arqasynda ózara baılanystardy joǵary sapaly deńgeıge kóterý múmkin bolyp otyr. Biz Astana men Tashkentte, Ashhabad pen Sholpanatada ótken sammıtterdiń nátıjesin joǵary baǵalaımyz. Ortalyq Azııa memleket basshylarynyń Dýshanbede qyrkúıek aıynda ótetin besinshi konsýltatıvtik kezdesýge úlken úmit artyp otyrmyz», - dedi Ermuhambet Qonyspaev.
