Keıingi 3 jylda eksportqa engizilgen tyıymdardan kásipkerler 1 trln teńge joǵaltty - Aıdarbek Qojanazarov
«Bizdiń Úkimette bir ustanym bar – ishki eksportqa tyıym salsaq, onda ishki naryqtaǵy baǵa túsedi degen. Eger biz eksportty shekteıtin bolsaq, onda kásipkerler úlken shyǵynǵa ushyraıdy, tıisinshe óndiris kólemin tómendetedi. Al bul óz kezeginde taýar tapshylyǵyna alyp keledi. Artynan jetispegen taýardyń baǵasy ósedi. Sońǵy 3 jylda engizgen tyıymdardyń kesirinen bıznes salasy 1 trln teńge joǵaltty. Onyń ishinde 30%-y salyq. Eger kásipkerderdi shekteseńiz, ol óz shyǵynyn óteýi kerek. Ony qalaı óndirip alady? Onyń bir ǵana tásili bir. Taýardy qymbat satý», - dep málim etti depýtat.
Bul rette Aıdarbek Qojanazarov byltyr sáýirde 1 mln tonna bıdaıdy eksporttaýǵa engizgen kvotany mysalǵa keltirdi.
«1 mln tonna bıdaıdy eksporttaýǵa kvota bólip, qalǵanyna shekteý engizý týraly sheshim qabyldandy. Sol ajıotaj 165 teńge turatyn bıdaıdyń qunyn 185 myńǵa deıin kóterdi. Sondyqtan bul jerde barlyǵyn jaýyp tastap, keıin durys bolady degen júrmeıdi. Ony taldap, tııanaqty zertteý kerek», - dedi Aıdarbek Qojanazarov «Jibek Joly» telearnasyna suhbat bere otyryp.
Atalǵan máselelerdi sheshý úshin depýtat shekteý engizý men kvota bólý tártibin bir júıege keltirip, retteýdi usyndy.
«Qol qoıyp, shekteý engize salý sharýalarǵa zııan keltirip jatyr. Máselen, Jambyldan eki kólik pııaz shyqty delik. Ol Reseıdiń shekarasyna barǵansha, shekteý engizilip qoıdy. Osynyń saldarynan pııaz shirip, jaramsyz bolyp qalady», - dep toqtaldy májilismen.
Onyń aıtýynsha keıingi úsh jylda qazaqstandyq sharýalardyń taýaryn eksporttaýǵa 8 tyıym, 5 kvota engizilgen.
«Neǵurlym eksport ulǵaısa, soǵurlym eldiń ekonomıkalyq ósimi artady, ulttyq valıýta turaqtalady. Sondyqtan eksportty qoldaý kerek. Keıde bizdiń Úkimettiń qabyldap jatqan sheshimderi júıesiz. Ol tek qazir bolyp jatqan qubylystarǵa reaktsııa ǵana sııaqty. Eshqandaı 3-4 jyldyq boljamsyz», - dep túıindedi sózin Aıdarbek Qojanazarov.
