Keıingi 2 jylda jastardan qaterli isik jıi anyqtalyp jatyr
ASTANA. QazAqparat – Bıyl jarty jylda 28 jasqa deıingi 454 qazaqstandyqtan qaterli isik anyqtaldy. Bul týraly Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Azamat Dúısenov aıtty, dep habarlaıdy QazAqparat tilshisi.
«2021 jyly barlyǵy 0-28 jas aralyǵyndaǵy 949 patsıent tirkeldi. Bul qaterli isiktiń tirkelgen bastapqy jaǵdaılarynyń jalpy sanynyń 2,9 paıyzy. 2022 jyly qaterli isik dıagnozy 0-28 jas aralyǵyndaǵy 1 057 patsıentten (tirkelgen naýqastardyń - 3%) anyqtaldy. 2023 jyldyń 6 aıynyń qorytyndysy boıynsha 0-28 jas aralyǵyndaǵy 454 patsıentten qaterli isik (onkologııalyq naýqastardyń jalpy sanynyń 2,5%) anyqtaldy», - dep jaýap berdi Azamat Dúısenov QazAqparat tilshisiniń saýalyna.
Sondaı-aq departament dırektory Azamat Dúısenov onokologııaǵa shaldyqqan naýqastardy emdeýge jyl saıyn qansha qarajat bólinetinin de málim etti.
