Keıingi 10 jylda múgedek balalardyń sany eki esege ósti - depýtat
«Keıingi10 jylda múmkindigi shekteýli balalardyń sany eki esege ósti. Tek 2021 jyldyń ózinde 13 myńnan astam balaǵa múgedektik dıagnozy qoıylǵan. Múgedektik deńgeıin tómendetý máselesin basym baǵyttardyń biri retinde kún tártibine qoıatyn kez keldi. Balanyń kishkentaı kezinen múgedektiktiń aldyn alý áreketteri jasalmasa, onda bul bala er jetken kezde túrli qıyndyqtarǵa tap bolady. Sondyqtan bul problemalardy boldyrmaýǵa baǵyttalǵan múmkindikterge erekshe nazar aýdarý kerek», - dedi N. Nurymova Májilistiń jalpy otyrysynda Densaýlyq saqtaý mınıstrligine joldaǵan saýalynda.
Onyń pikirinshe, túrli indetti, sonyń ishinde tuqym qýalaıtyn aýrýlardy erte dıagnostıkalaý jáne ýaqtyly em-dom jasaý úshin jańa týǵan nárestelerdi skrınıngtik tekserýden ótkizý kerek.
Depýtattyń sózine qaraǵanda, tıisti medıtsınalyq uıymdardy oftalmologııalyq, aýdıologııalyq, psıhofızıkalyq skrınıngter jasaý úshin qajetti qural-jabdyqtarmen jáne personalmen qamtamasyz etý kerek. Múmkindigi shekteýli balalarǵa keshendi kómek kórsetýdiń 2021-2023 jyldarǵa arnalǵan Jol kartasynyń oryndalýyna baqylaýdy kúsheıtý qajet.
