Keıbir HQO-lar aldyn ala jazylý qyzmetine kóshti

ASTANA. KAZINFORM – Elimiz boıynsha 32 aýdandyq jáne qalalyq HQKO bóliminde qyzmet kórsetý aldyn ala jazylý formatyna kóshirildi. 

Endi turǵyndar ózine yńǵaıly kún men ýaqytty aldyn ala tańdap, belgilengen ýaqytta kele alady, qabyldaý tek aldyn ala brondalǵan talondar boıynsha júzege asyrylady.

— 20 aqpannan bastap pılottyq jobaǵa qosymsha taǵy 22 bólim qosyldy. Bul, ásirese shalǵaı óńir turǵyndaryna kezek kútpeı, saparyn aldyn ala josparlaýǵa múmkindik beredi, — delingen .

Aldyn ala jazylý «TsON» jáne «Egov mobile» mobıldi qosymshalary elektrondyq úkimet portaly talon berý kıoskileri arqyly qoljetimdi.

Bul rette daıyn qujattardy berý, ózine-ózi qyzmet kórsetý aımaǵy jáne qujattandyrý qyzmetteri burynǵy rejımde, ıaǵnı aldyn ala jazylýsyz kórsetiledi.

Sonymen qatar kelýshilerdiń jekelegen sanattary úshin arnaıy jumys orny qarastyrylǵan. Ol Ekinshi dúnıejúzilik soǵys ardagerlerine, múmkindigi shekteýli azamattarǵa jáne sheteldik azamattarǵa arnalǵan.

Atap ótsek, joba pılottyq rejımde júzege asyrylyp otyr. Taldaý qorytyndysy boıynsha qyzmetti odan ári keńeıtý jáne aýqymyn ulǵaıtý týraly sheshim qabyldanady.