Keıbir elderde 16 jasqa deıin áleýmettik jelige kirý shektelgen — Ulttyq quryltaı

QYZYLORDA. KAZINFORM — V Ulttyq quryltaıda jasóspirimderdiń áleýmettik jelidegi belsendiligin retteýmen baılanysty usynys aıtyldy.

Qazaqstandaǵy orys, slavıan jáne kazak uıymdary qaýymdastyǵynyń tóraǵasy, Májilis depýtaty Sergeı Ponomarev muny ulttyq qaýipsizdikpen tikeleı baılanysty másele ekenin aıtty.

— Áleýmettik medıa tek qarym-qatynas alańyna ǵana emes, qýatty saıası quralǵa da aınaldy. Biz keıbir elderde narazylyq bildirý naýqandary, jurttyń kóshede jumylýy, saıasattaǵy kenet ózgeristerdiń onlaın-platformalar arqyly birtutas iske qosylǵanyn jáne úılestirilgenin kórip otyrmyz. Meniń oıymsha, bul másele egjeı-tegjeıli jáne jan-jaqty taldaýdy qajet etedi. Áńgime tek tehnologııa týraly ǵana emes, ıdeologııa, jastardyń bolashaǵy jáne saıyp kelgende, bizdiń ulttyq qaýipsizdigimiz týraly bolyp otyr, — dedi ol.

Sergeı Ponomarev Jasandy ıntellekt mınıstrligine osy baǵytta túsinikti ári júıeli sharalar qabyldaýdy usyndy.

— Halyqaralyq tájirıbede 14 jasqa deıingi balalar men jasóspirimderdiń, tipti keıbir elderde 16 jasqa deıingi turǵyndardyń áleýmettik jelige qol jetkizýi shektelgenine nazar aýdarǵym keledi. Bul «tyıym salý úshin ǵana tyıym salý» emes, — dedi Májilis depýtaty.

Aıta keteıik, Kazinform Memleket basshysynyń Ulttyq quryltaıdaǵy sózin translıatsııalap jatyr.