Keıbireýler maskany tozǵansha taǵady – Aqtóbeniń bas dárigeri
Aqtóbede epıdemıologııalyq jaǵdaı kúrdeli. Keshe óńirde 127 adamnan koronavırýs ınfektsııasy anyqtalyp, aýrýhanaǵa tústi.
«Óńirde dári-dármek tapshylyǵy máselesi joq. Aqtóbe oblysynda eki aılyq qor saqtalǵan. PTR synama oń bolsa, dárigerler úıine barady. Esh sımptom bolmasa, tizim boıynsha dári-dármek ishedi. Shynyn aıtý kerek, jastar jeńil ótkeredi. Eresek adamdar statsıonarlarǵa jiberiledi. Jedel járdemniń jumysy kúsheıdi. Sońǵy kezde 900-den astam shaqyrý tústi. Jedel járdem brıgadasynyń jumysyn jeńildetý úshin emhanalardaǵy mobıldi toptyń jumysyn kúsheıtip jatyrmyz», - dedi oblystyq densaýlyq saqtaý basqarmasynyń basshysy Rústem Isaev.
Aqtóbede koronavırýs ınfektsııasyna bútin bir otbasy múshesi de shaldyǵyp jatyr. Sonymen birge «brıtandyq» shtamm da qaýipti kúsheıtti.
«Brıtandyq» shtamm jarty jyl buryn Eýropada tirkeldi. Elge ákelgen týrıster boldy. Ereksheligi - bul shtamm tez taraıdy ári qaýipti. Adam kóp shoǵyrlanatyn jerdiń óte qaýipti ekenin túsinse deımiz. Adamdar sanıtarlyq talapty durys saqtamaıdy. Murnyn ashyp, maskany ıegine taǵyp júredi. Keıbirinde túktenip ketken. Uzaq ýaqyt, 3-4 kún boıy taǵyp júrgeni kórinip turady. Sanıtar-epıdemıologtardy, dárigerlerge kiná artýǵa bolmaıdy. Janyńda maska taqpaǵan adamdy kórdiń be, eskertý jasa. Osy jolmen birge kúresýimiz kerek», - dedi Rústem Isaev.
Aıta keteıik, Aqtóbede PTR nátıjesi oń bolyp, brıtandyq shtamǵa uqsasy da anyqtalǵan. Sol kezde 6 synama Nur-Sultan qalasyna jiberildi. Nátıjesinde tórteýiniń synamasy rastaldy.
