Keıbir JOO mınıstrlik júrgizetin tekserýge kedergi jasaýǵa tyrysady - BǴM

NUR-SULTAN. QazAqparat - Keıbir joǵary oqý oryndary buzýshylyqtardy jasyryp, BǴM tarapynan júrgiziletin tekserýlerge kedergi jasaýǵa tyrysady, dep habarlaıdy QazAqparat mınıstrliktiń resmı Telegram-kanalyna silteme jasap.

«JOO-lar buzýshylyqtardy anyqtaýdy boldyrmaý úshin túrli áreketke barady. Mysaly:
- Bilim týraly qujattardy nostrıfıkatsııalaýdyń bolmaýyna baılanysty sheteldik stýdentterdi jappaı oqýdan shyǵarý. Ýnıversıtet bir buıryqpen 800-ge jýyq stýdentti oqýdan shyǵaryp, tekserý aıaqtalǵannan keıin qaıta qabyldaǵan;
- Ózge oqý oryndarynda jumys isteıtin oqytýshylardyń qujattaryn usyný. Keıbir oqytýshylar basqa ýnıversıtetterde jumysqa tirkelgenderin ózderi de bilmegen mysaldar bar. ıAǵnı, tekserý aldynda ýnıversıtetter olardy qujat júzinde jumysqa qabyldap, keıin jumystan shyǵarǵan;
- Jumysqa ornalastyrý kórsetkishin belgilengen talaptarǵa sáıkestendirý úshin joo-lar Zeınetaqy tóleý jónindegi memlekettik ortalyqqa túlekterdiń atynan eń tómengi tólem engizgen;
- Tekserý qarsańynda joo-nyń kitaphana qoryn tolyqtyrǵan jáne t.b», delingen habarlamada.
Vedomstvo ýnıversıtetter jıi jiberetin buzýshylyqtardy atap ótti.
«Bilim alýshylarǵa pánderdi tańdaýǵa múmkindik berilmeý;
Kóptegen ýnıversıtetterdiń magıstratýra men doktorantýraǵa lıtsenzııa alyp, ǵylymı jobalardy júzege asyrmaýy;
Magıstranttar men doktoranttardy pedagogıkalyq jáne zertteý praktıkasynyń bazalarymen barlyǵy birdeı qamtamasyz etpeýi;
Jeke normatıvtik qujattardy formaldy ázirleý;
Oqý ornynyń materıaldyq-tehnıkalyq bazasyn jaqsartýǵa kóńil bólmeý jáne t.b», delingen habarlamada.