Keıbir jastar áleýmettik jeli arqyly tikeleı sheıhtardan bilim alyp jatyr - Tóráli Qydyr

ALMATY. QazAqparat – Almatyda ІІM akademııasynda «Din men dəstúr sabaqtastyǵy jəne dinı terrorızmmen kúres» taqyrybynda arnaıy dáris ótti.

Qala ákimshiliginiń uıymdastyrýymen ótkizilgen sharada Ál-Farabı atyndaǵy Qazaq ulttyq ýnıversıteti TÚRKSOI kafedrasynyń dotsenti, fılologııa ǵylymdarynyń kandıdaty Tóráli Qydyr qatysty.

Sarapshy dáristi tyńdaǵan 20 ofıtserge Islam əlemindegi búgingi dinı-saıası ahýal jəne onyń Ortalyq Azııaǵa, sonyń ishinde Qazaqstanǵa yqpaly týraly aıtty.

«Búginde ıslam áleminiń ilimin fılosoftar ekige bóledi. zahırı ilimder. Zahırı – kózge kórinetin syrtqy bilim jáne batını – asyl, qupııa, ishki júrekte bolatyn ilim. Jat aǵymdardyń shyǵýyna syrtqy ilimderdiń alǵa ketip qalyp, adamnyń ishki jan dúnıesi, júrek máselesi ekinshi orynǵa qalyp qoıǵannan bolyp otyr. Budan tek Qazaqstan ǵana emes álemniń kóptegen musylman elderi zardap shegip otyr. Keı dinı aǵymdar tipti saıasılanyp jatyr. Keı jastarymyz áleýmettik jeli arqyly nemese tikeleı sheıhtardan bilim alyp jatyr. Problema bar», - dedi Tóráli Qydyr.

Dáristi tyńdaǵan ofıtserler teris aǵym yqpalymen qalaı kúresý joldaryn surady.

Sarapshy olarǵa teris aǵymdaǵylardyń syrtqy atrıbýtıkalarynan bastap, dúnıetanymy men, aqıdasynyń erekshelikterin aıtyp berdi.

Dintanýshy Islam elderindegi dinı saıası ahýal, DAISh dúrbeleńi, Aýǵanstandaǵy Talıban qozǵalysy týraly aıtty.