Keıbir zańnamalyq aktilerge qorǵanys jáne áskerı qyzmet máseleleri boıynsha ózgerister engizý týraly zań jobasy maquldandy - Senat
ASTANA. 18 qańtar. QazAqparat /Rýslan Ǵabbasov/ - Búgin QR Parlamenti Senatynyń y jalpy otyrysynda «Qazaqstan Respýblıkasynyń keıbir zańnamalyq aktilerine Qorǵanys jáne áskerı qyzmet máseleleri boıynsha ózgerister men tolyqtyrýlar engizý týraly zań jobasy birinshi oqylymda maquldandy.
Zań jobasynyń maqsaty qoldanystaǵy zańnamany «Áskerı qyzmet jáne áskerı qyzmetshilerdiń mártebesi týraly» zańnyń jobasyna sáıkes keltirý, sondaı-aq áskerı qyzmet jáne qorǵanys salasyndaǵy quqyqtyq olqylyqtardy joıý bolyp tabylady. «Áskerı qyzmet jáne áskerı qyzmetshilerdiń mártebesi týraly» QR Zańynyń jobasynda kózdelgen normalardy iske asyrý maqsatynda QR Eńbek kodeksine, QR Bıýdjet kodeksine jáne Qazaqstannyń basqa da zańnamalyq aktilerine túzetýler engiziledi. Áskerı qyzmetti jetildirý boıynsha engiziletin sharalar bıýdjet qarajatyn únemdeýmen ushtastyra otyryp, jaýyngerlik áskerı bólimderdiń áskerı qyzmetshilerin qamsyzdandyrýdy jaqsartýǵa múmkindik beredi.
