Keıbir turaqtandyrý qorlary bos tur, bólingen qarjy depozıtterde jatýy múmkin - A.Mamytbekov
ASTANA. QazAqparat - Qazirgi tańda turaqtandyrý qorlary bos turǵan oblystar bar. Ókinishke oraı olarǵa bólingen qarjy depozıtterde jatýy múmkin.
Bul týraly QR Úkimetiniń selektorlyq rejimdegi otyrysynda QR Aýyl sharýashylyǵy mınıstri Asyljan Mamytbekov málim etti.
«Bizge jylyna shamamen 4 mlrd. dollarǵa para-par azyq-túlik pen ónim syrttan ákelinedi. Teńge kýrsynyń ózgerýi atalǵan taýarlardyń qymbattaýyna ákeletindigi túsinikti. Sondyqtan buǵan qarsy qandaı da ákimshilik joldar qoldaný barynsha qıyn, tipti keri reaktsııa da týyndatýy múmkin», - dedi ol.
A.Mamytbekovtiń paıymynsha, ákimshilik sharalar qoldaný atalǵan taýarlardyń elge kelýine tosqaýyl bolyp, sonyń saldarynan ishki naryqta tapshylyq oryn alýy múmkin. ıAǵnı, asyra silteýshilikke jol bermeý qajet.
Sonymen birge mınıstr elimizde arnaıy qurylǵan turaqtandyrý qorlarynyń jumysyn mundaı jaǵdaıda tıimdi basqarý mańyzdy ekendigin basa aıtty. Onyń sózine qaraǵanda, qazirgi tańda respýblıkadaǵy turaqtandyrý qorlarynda 43 myń tonna taýar bar. Onyń 20 paıyzy Shyǵys Qazaqstanda, taǵy 20 paıyzy Soltústik Qazaqstanda shoǵyrlanǵan. Al qalǵany basqa oblystarǵa bólingen.
«Qazirgi ýaqytta turaqtandyrý qorlary bos turǵan oblystar da bar. Ókinishke oraı bul basqarýdyń durys emestigine dálel, bul aqshalar depozıtterde jatqan da shyǵar. Sondyqtan da búginnen qaldyrmaı olardy toltyrý múmkinshilikterin izdestirý qajet», - dedi.
