Keıbir sozylmaly aýrýlardyń aýyr nysandarynyń tizimi bekitildi - QR Úkimetiniń qaýlysy
jeltoqsan. QazAqparat - Qazaqstan Respýblıkasy Úkimetiniń 2011 jylǵy 8 qarashadaǵy № 1309 qaýlysymen keıbir sozylmaly aýrýlardyń aýyr nysandarynyń tizimi bekitildi.
Qazaqstan Respýblıkasy Úkimetiniń qaýlysy
2011 jylǵy 8 qarasha, Astana, Úkimet Úıi № 1309
Keıbir sozylmaly aýrýlardyń aýyr nysandarynyń tizimin bekitý týraly
«Turǵyn úı qatynastary týraly» Qazaqstan Respýblıkasynyń 1997 jylǵy 16 sáýirdegi Zańynyń 68-babynyń 4) tarmaqshasyna, 69-babynyń 6) tarmaqshasyna jáne 75-babynyń 4-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan keıbir sozylmaly aýrýlardyń aýyr nysandarynyń tizimi bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
Qazaqstan Respýblıkasy Úkimetiniń 2011 jylǵy 8 qarashadaǵy №1309 qaýlysymen bekitilgen
Keıbir sozylmaly aýrýlardyń aýyr nysandarynyń tizimi
1. Jeke tulǵanyń turaqty psıhıkalyq sımptomdyq jáne aınalasyndaǵylar úshin zardap shegýshimen birge turý múmkin bolmaıtyn jeke basynyń aıqyn ózgeristeri bar psıhıkalyq aýrýlary.
2. Qol-aıaq fýnktsııalarynyń jáne jambas músheleri fýnktsııalarynyń turaqty aýyr buzylýy bar ortalyq nerv júıesiniń organıkalyq jáne jaraqattanýdan keıingi buzylýy.
3. Nájis, nesep jáne qynap jylankózderi, qýyq stomasy, jasandy anýs.
4. Jıi ustamasy ІІІ dárejeli asqynǵan tynys alý fýnktsııasynyń jetispeýshiligi bar bronh demikpesiniń aýyr nysany, úzdiksiz-qaıtalanbaly aǵym.
5. Qozǵalý fýnktsııalary joǵalǵan tuqym qýalaıtyn údemeli nervtik-bulshyqet dıstrofııasynyń aýyr nysandary.
6. І tıptegi qant dıabeti, aýyr nysany.
