Keıbir sheteldik saıası kúshter el ishine iritki salǵysy keledi - Toqaev
«El birligi - bizdiń baǵa jetpes baılyǵymyz. Keıbir sheteldik saıası kúshter el ishine iritki salǵysy kelip, Qazaqstan týraly jalǵan aqparat taratýda. Osyndaı áreketterge qarsy turý úshin aqparattyq keńistik arqyly ózimizde de, shetelde de úgit-nasıhat júrgizý kerek. Taǵy da aıtaıyn, Táýelsizdik bárinen qymbat. Táýelsizdigimiz bárimiz úshin eń qundy dúnıe. Táýelsizdigiizdi dańǵaza urandarmen emes, aqylmen, parasattylyqpen, bilimmen, sabyrmen qorǵaý qajet. Bul maqsatqa jetý úshin tatýlyq kerek. Elimizdiń birtutastyǵy - reformalardyń tabysty júzege asýynyń basty kepili. Biz Táýelsizdik kezeńinde tolaıym tabysqa keneldik. Onyń bárine birlik pen yntymaq saıasatynyń arqasynda jettik. Sondyqtan osy qundylyqtardy saqtaı bileıik», - dep túıindedi sózin Memleket basshysy.
