Keıbir óńirlerdiń turaqtandyrý qoryna azyq-túlik satyp alynbaǵan - AShM
«Aǵymdaǵy jyldyń 20 qarashasyndaǵy jaǵdaı boıynsha turaqtandyrý qorlaryndaǵy taýarlyq ınterventsııalar júrgizýge arnalǵan qor 12,2 myń tonnany, almastyrýǵa berilgender jáne jaýapty saqtaýǵa berilgender 22,7 myń tonnany qurady. Qolda bar 12,2 myń tonnanyń 3 myń tonnasy qant, 0,83 myń tonnasy kúnbaǵys maıy, 1,3 myń tonnasy 1 suryptaǵy bıdaı uny, 0,497 myń tonnasy qaraqumyq jarmasy jáne 0,355 myń tonnasy makaron ónimderi», - dedi ol.
Birinshi vıtse-mınıstrdiń dereginshe, óńirler keskininde qolda bar azyq-túlik taýarlary Qostanaı oblysynda 4,2 myń, Atyraý oblysynda 1,5 myń, SQO-da 1 myń, Almaty qalasynda 3,2 myń jáne Astana qalasynda 0,7 myń tonnany quraıdy. Keıbir oblystarda qolda bar azyq-túlik taýarlary az, biraq olardyń kóp bóligi saqtaýǵa berilgen. Olar: Túrkistan (8,6 myń tonna), ShQO (7,4 myń tonna), Jambyl (1,9 myń tonna), Aqtóbe (1,9 myń tonna), Qaraǵandy oblystary (1,2 myń tonna).
«Taýarlyq ınterventsııalardy júrgizý úshin ÁKK esebinde 4,0 mlrd teńge qarajat bar. Qarajattardyń eń kóp mólsheri Astana qalasynda - 1 536 mln teńge, Túrkistan oblysynda - 587 mln teńge jáne Jambyl oblysynda - 392 mln teńge. Osyny eskere, turaqtandyrý qorlaryn qalyptastyrý boıynsha shtabtar jumystarynyń jandanýy Aqtóbe, Atyraý, Qostanaı, SQO, Túrkistan oblystary men Astana, Almaty qalalarynda baıqalady, al Aqmola, Qaraǵandy, Mańǵystaý oblystarynda sońǵy eki aıda turaqtandyrý qoryna azyq-túlik taýarlary satyp alynbaǵan», - dedi Evnıev.