Keıbir mınıstrlikter 2011 jyldaǵy qyzmetti qorytyndylaýǵa arnalǵan alqa májilisterin óńirlerde ótkizedi

Bul týraly búgin Úkimet otyrysynda Premer-Mınıstr Kárim Másimov málim etti.

 «Men Premer-Mınıstrdiń Keńsesine aldaǵy dúıesenbiden bastap barlyq mınıstrliktermen jáne vedomstvolarmen alqa májilisterin ótkizý máselesin qarastyrýdy tapsyramyn. Qazirgi kezde bul jumystar bastaldy. Keıbir mınıstrlikter boıynsha alqa májilisteriniń bir bóligin óńirlerde ótkizemiz», - dedi Úkimet basshysy.

Sóz sońynda K. Másimov memlekettik organdardyń alqa májilisteri aıaqtalǵannan keıin 2011 jyldyń qorytyndysy boıynsha jáne 2012 jylǵa negizdelgen maqsat mindetter turǵysynda Úkimet otyrysy ótetinin atap ótti.

Esterińizge sala keteıik, jyl saıyn Premer-Mınıstrdiń qatysýymen ár mınıstrlik pen vedomstvolarda qorytyndy alqa májilisteri dástúrli túrde ótkizilip keledi.