Keıbir memlekettik organdarda bir bos orynǵa bes úmitkerden tirkelýde

ASTANA. QazAqparat - Keıbir memlekettik organdarda bir bos orynǵa úmitker retinde bes adamǵa deıin tirkeledi. Bul týraly búgin QR Parlamenti Senatyndaǵy dóńgelek ústelde QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Aıgúl Shaıymova málim etti.

«Bir bos orynǵa keıbir memlekettik organdarda úmitkerler bes adamǵa deıin artty. Sonymen birge on myńǵa jýyq jalpy konkýrstar qorytyndysy boıynsha memlekettik qyzmetkerler qataryn ýnıversıtet túlekteri men jeke sektor ókilderi qatarynan  bes myńnan astam adam tolyqtyrdy. Jalpy, zańnamany bilý testileýine 38 myń adam qatysyp, onyń ishinde oń baǵany 46 paıyzy aldy. Bul kórsetkish ótken jylǵa qaraǵanda 12 paıyzǵa joǵary»,-dedi A. Shaıymova.

Onyń sózine qaraǵanda, jeke biliktiligi men qasıetteri baǵalaýynan 20 myń adam ótti, al áńgimelesý barysyndaǵy synaqty 18,5 myń adamnyń arasynan 12 myńy eńserdi.

Sóz sońynda ol  memlekettik qyzmet týraly jańa zańnamany júzege asyrý aıasynda engizilgen qadamdar qyzmetke turý azamattyń eńbegine qaraı baǵalaný tapsyrmasyn oryndaýǵa múmkindik bergenin atap ótti.