Keıbir qylmystyq áreketterdi krımınaldandyrý túrmedegiler sanynyń artýyna soqtyrýy múmkin - Májilis depýtaty
ASTANA. QazAqparat - Keıbir qylmystyq áreketterdi krımınaldandyrý túrmedegiler sanynyń artýyna soqtyrýy múmkin. Búgin Parlament Senatynda ótken konferentsııa barysynda Májilis depýtaty Arman Qojahmetov osylaı dep málim etti. Eske salaıyq, konferentsııa «Ákimshilik zańnamany reformalaý: problemalar men jetildirý baǵyttary» taqyrybyna arnalǵan.
«Ákimshilik quqyq buzýshylyq kodekstiń qoldanystaǵy 58 qylmys quramy Qylmystyq kodeks jobasyna engizilgeli otyr. Bul rette jańa redaktsııadaǵy Ákimshilik quqyq buzýshylyq kodekstiń jobasynan ákimshilik qamaýǵa alýdy qarastyratyn barlyq qylmys quramy shyǵarylǵanyn atap ótý kerek. Degenmen, keıbir isterdi krımınaldandyrý oryndy suraqtar týdyrady jáne osy baǵyttaǵy isterdi jiti uǵynýdy talap etedi», - dep atap ótti depýtat A.Qojahmetov.
Onyń aıtýynsha, statıstıkaǵa sáıkes 2013 jyly qylmystyq jaǵymsyz áreketterge jatqyzylǵan 58 qylmys quramy boıynsha elimizde 70 myńnan astam adam qamaýǵa alynǵan.
«Al jańa redaktsııadaǵy Qylmystyq kodeks jobasynda mundaı quqyq buzýshylyqtarǵa aıyppul túrindegi de, qamaýǵa alý merzimi túrinde de jaza birneshe eselene túsedi. Sondyqtan, mundaı qylmys quramyn qylmystyq áreketterge jatqyzý elimizdiń túrmelerindegiler sanynyń artýyna ákep soqtyrýy ábden múmkin», - dedi halyq qalaýlysy.
