Keıbir kásiporyndardyń elektr energııasyna qaryzy kóbeıdi - B. Jaqsalıev
ASTANA. QazAqparat - Qazaqstandyq kásiporyndarda elektr energııasyna qaryzy artty. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Energetıka vıtse-mınıstri Baqytjan Jaqsalıev málim etti.
«Elektr enegııasyndaǵy qaryz kólemine toqtalatyn bolsaq, buǵan álemdik daǵdarys yqpal etýde. Osy oraıda bizdiń kásiporyndarda ótelmegen tólemder ósip otyrǵanyn baıqadyq. ıAǵnı, usynylǵan esep-shottarǵa boıynsha keıbiri tólemeýde»,-dedi vıtse-mınıstr tilshiler saýalyna jaýap berý kezinde.
Sonymen qatar ol tutynýshylarda da elektr qýatyna tólenbegen qaryzdardyń ósýi baıqalyp otyrǵanyn jetkizdi.
«Bizdiń oıymyzsha, bul jaǵdaı ýaqtyly, ıaǵnı taıaý arada naryq bul ahýaldy retke keltiredi»,-dedi B. Jaqsalıev.
Búginde energııany qaıta úlestiretin kóptegen uıymdar qaıta qurylymdaý turǵysynda elektr qýatyn satyp alýshylarmen ózderiniń kelisimsharttyq mindettemelerin qaıta qarastyrýda.
Sondaı-aq vıtse-mınıstr elimizde elektr energııasyn óndirýde tapshylyq joq ekenin, al keıbir oblystarda artyǵymen jınaqtalǵanyn atap ótti.
