Keıbir eldiń kómirteksizdendirý saıasaty energetıkalyq qaýipsizdigine qaıshy kelip otyr – Prezıdent
NUR-SULTAN. QazAqparat – Birqatar memlekettiń kómirteksizdendirý saıasaty energetıkalyq qaýipsizdikti qamtamasyz etý saıasatyna qarama-qaıshy. Bul týraly Prezıdent janyndaǵy Sheteldik ınvestorlar keńesiniń 34-shi jalpy otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Klımattyq jáne tehnologııalyq tegeýirinderden bólek, álemde jańaratyn energııa kózderine kóshý ózektiligi jańa geosaıası konteksti kúrt arttyrdy. Biraq, ekinshi jaǵynan energetıkalyq táýelsizdikke umtylý birqatar eldi kómir shahtalaryn qaıta qosýǵa jáne kómir elektr stansalarynyń jumysyn jandandyrýǵa ıtermeledi. Nátıjesinde birqatar memlekettiń kómirteksizdendirý saıasaty energetıkalyq qaýipsizdikti qamtamasyz etý saıasatyna qarama-qaıshy bolǵanyn kórip otyrmyz», - dedi Qazaqstan Prezıdenti.
Osy rette Memleket basshysy búgingi keńes otyrysyn atalǵan máselege qatysty Birqatar memlekettiń kómirteksizdendirý saıasaty energetıkalyq qaýipsizdikti qamtamasyz etý saıasatyna qarama-qaıshy ınteraktıvti ózara is-qımyl retinde ótkizýdi usyndy.
«Sóz sóıleýlerińizde sizderdiń pikirlerińizdi, eń aldymen bizge - Qazaqstanǵa uzaqmerzimdi maqsattarǵa qol jetkizýge kómektesetin negizgi quraldar retinde jasyl jáne energotıimdi tehnologııalardy qabyldaýda qandaı ádister usynatyndyqtaryńyzdy estigim keledi», - dedi Qasym-Jomart Toqaev.
